1. Startup

Vocalita Ngahadirkeun Aplikasi Kanggo Ngadangukeun Musik Indie

Sanajan henteu aya dina jalur mainstream, musik indie teh bisa oge dipikawanoh ku saluruh pecinta musik, komo dina jaman digital jiga ayeuna mah. Salah satu contoh anu geus bisa mawa musisi indie ka balarea teh nyaeta Musikator. Layanan ieu teh sukses ngadistribusikan loba musisi indie ameh aya di loba layanan streaming musik. Tah ayeuna teh Musikator henteu sorangan, aya deui layanan nu sejen anu ngahadirkeun layanan kango musisi indie, ngaranna Vocalita.

Vocalita teh platform layanan musik indie anu berbasis aplikasi, dina aplikasi ieu pangguna bisa ngadangukeun musik sacara streaming. Kabeuh artis anu aya bisa didangukeun teh aris independen, nu biasana teh henteu sa terkenal musisi ‘umum’. Vocalita tiasa janten jembatan anu ngahubungken musisi indie ameh bisa didangukeun ku baraya anu leuwih loba.

Startup anu jadi pinalis Rock Star Dev 2013 ieu teh ngahadirkeun layanan streaming musik, aplikasi anu aya ayeuna teh masih basajan upami dibandingkeun jeung aplikasi sejen nu leuwih atraktip. Tapi pangguna atos bisa ngagunakeun jeung ngadangukeun musik sacara streaming kusabah gampil pisan ngagunakeun ieu aplikasi. Cacak ta aya pamuter jiga aplikasi streaming musik anu sejen tapi upami bade ngadangukeun lagu teh gampil jeung gancang.

Pitur streaming teh ayeuna ngan hiji-hijina pitur anu bisa dianggo dina aplikasi ieu, sigana mah anu sejen teh masih dikembangkeun ku depeloper anu ngembangkeun ieu aplikasi. Tapi nurutkeun katerangan anu dikirimkeun ka kami, Vocalita teh gaduh oge pitur anu sejen, misalna pitur laporan popularitas jeung saha wae nu ngadangukeun, trus pitur keur ngabagikeun playlist, halaman artis, gamification jeung aya oge pitur kanggo ngapdet status jiga medis sosial tea. Tapi pitur-pitur ieu teu ta acan bisa diakses.

Henteu eta wae, liwat sumangetna ngamajukem musik indie, Vocalita oge bakalan ngagonyok crowdfunding (atawa udunan)online anu ditujukeun kanggo musisi indie ameh bisa teras berkarya. Artos anu beunang tina udunan ieu teh engkena bakalan dipake kanggo musisi indie ngajieun konser tunggal (baca oge: Konsernesia), midamel merchandise, jeung jadi modal kanggo nyieun album. Tah pitur ieu teh masih dirancanakeun jeung bakalan ditambihkeun engke.

Minangka Vocalita teh startup, ayeuna teh layanan ini masih keneh nampikeun aplikasi anu basajan, layanan anu aya ge basajan keneh. Loba kadudukan anu ta aca bisa digunakeun - sepertos anu tos disebutkeun di luhur - artis indie anu aya oge ta acan loba, kahitung aya lima artis anu aya, eta oge ta acan dilengkapan ku diskografi anu lengkep.

Vocalita teh ta acan gaduh pesain anu sami di Indonesia, anu penting mah catetan anu atos disebutkeun tadi teh bisa diayakeun dina mangsa anu payun. Kusabab lebar pisan upami Vocalita teu bisa mangpaatkeun ceruk pasar anu aya minangka pasar potensial kanggo Vocalita.

Ayeuna teh aplikasi Vocalita ngan aya dina Android. Abdi nyalira henteu ngarep-ngarep dina waktos anu deukeut Vocalita aya di platform anu sejen upami pitur anu aya teh masih ta acan lengkep. Tapi upami atos lengkep, tambihan platform anu sejen kudu pisan dilakukeun ku Vocalita.

[Suweng gambar: Shutterstock]

Are you sure to continue this transaction?
Yes
No
processing your transaction....
Transaction Failed
Try Again

Sign up for our
newsletter

Subscribe Newsletter
Are you sure to continue this transaction?
Yes
No
processing your transaction....
Transaction Failed
Try Again